WHO-ს სპიკერის, ქრისტიან ლინდმეიერის განცხადებით, ჯანდაცვის მსოფლიო ორგანიზაცია ჩინურ კვლევას, ღორებში აღმოჩენილი ახალი ვირუსის შესახებ, „ყურადღებით წაიკითხავს“. მისი განცხადებით, დასკვნებმა კორონავირუსის პანდემიის დროს, გრიპის ვირუსზე დაკვირვების მნიშვნელობას ხაზი კიდევ ერთხელ გაუსვა. ინფორმაციას Guardian-ი ავრცელებს.
ჩინურ კვლევაში ნათქვამია, რომ ვირუსის მატარებელი ღორები არიან, თუმცა ვირუსს შეუძლია ადამიანის დაინფიცირებაც. მკვლევარები პროგნოზირებენ, რომ ვირუსმა შეიძლება, მუტაცია განიცადოს, ადვილად გავრცელდეს ადამიანიდან ადამიანზე და გამოიწვიოს გლობალური დაავადება.
„ჩვენ ამ კვლევას ყურადღებით წავიკითხავთ. პანდემიის დროსაც გრიპის ვირუსთან დაკავშირებით სიფხიზლის შენარჩუნება და თვალყურის დევნებაა საჭირო“,- განაცხადა ჯანდაცვის მსოფლიო ორგანიზაციის წარმომადგენელმა, ქრისტიან ლინდმეიერმა.
მისი თქმით, აღმოჩენებთან დაკავშირებით აუცილებელია თანამშრომლობა.
ამ თემაზე დაგაინტერესებთ – ჩინეთში ახალი ვირუსი აღმოაჩინეს, რომელსაც შეუძლია პანდემია გამოიწვიოს
