ჯანდაცვის მსოფლიო ორგანიზაციაში აცხადებენ, რომ დიდი ბრიტანეთის ხელისუფლებასთან კორონავირუსის ახალი ვარიანტის აღმოჩენასთან დაკავშირებით მჭიდრო კავშირზე არიან.

„COVID-19-ის ახალ ვარიანტთან დაკავშირებით დიდი ბრიტანეთის ხელისუფლებასთან მჭიდრო კავშირზე ვართ. ისინი გააგრძელებენ ინფორმაციის, ანალიზებისა და მიმდინარე კვლევების შედეგების გაზიარებას. ჩვენ წევრ ქვეყნებს და საზოგადოებას განახლებულ ინფორმაციას მივაწვდით, როგორც კი მეტს გავიგებთ ვირუსის ამ ვარიანტის მახასიათებლებსა და მის შედეგებზე“, – ნათქვამია  WHO-მიერ გავრცელებულ განცხადებაში.

ცნობისთვის, 19 დეკემბერს გაერთიანებული სამეფოს პრემიერ-მინისტრმა, ბორის ჯონსონმა განაცხადა, რომ ქვეყანაში იდენტიფიცირებული კორონავირუსის ახალი შტამი შესაძლოა, 70 პროცენტით უფრო გადამდები იყოს.

We’re in close contact with UK ?? officials on the new #COVID19 virus variant. They’ll continue to share info & results of their analysis & ongoing studies. We’ll update Member States & public as we learn more about the characteristics of this virus variant & any implications.

— World Health Organization (WHO) (@WHO) December 19, 2020