WHO „დექსამეტაზონის“ წარმოების გაფართოების ინიციატივით გამოდის. ინფორმაციას ამის შესახებ Guardian-ი ავრცელებს.
ტედროს ადანომ გებრეიესუსის განცხადებით, მას შემდეგ, რაც ბრიტანული კვლევამ აჩვენა, რომ „დექსამეტაზონი“ კრიტიკულ მდგომარეობაში მყოფ პაციენტებს შორის სიკვდილიანობის მაჩვენებელს ამცირებს, პრეპარატზე მოთხოვნა გაიზარდა.
შეგახსენებთ, რომ ოქსფორდის უნივერსიტეტის კვლევის პირველი შედეგების მიხედვით, პრეპარატმა „დექსამეტაზონმა“ ახალი კორონავირუსის მძიმე ფორმების მქონე ხელოვნურ ვენტილაციაზე მყოფ პაციენტებს შორის სიკვდილიანობა 1/3-ით შეამცირა. ჟანგბადდამოკიდებულებში კი ამ მაჩვენებელმა 20%-ი შეადგინა.
ამ თემაზე ასევე დაგაინტერესებთ – დექსამეტაზონმა კოვიდინფიცირებულებში სიკვდილიანობა შეამცირა – ყველაფერი ამ პრეპარატის შესახებ.
