ვლადიმირ ზელენსკის თქმით, თუ ირანი ჩამოგდებულ უკრაინულ თვითმფრინავთან დაკავშირებით გაკეთებულ დაპირებებს არ შეასრულებს, უკრაინას საერთაშორისო სასამართლოების გარდა სხვა არჩევანი არ დარჩება. ამის შესახებ უკრაინის პრეზიდენტმა Theglobeandmail-თან ექსკლუზიურ ინტერვიუში განაცხადა.
„იმედი მაქვს, რომ შევძლებთ ირანული მთავრობის შედეგზე ორიენტურებულ პოლიტიკას დავეყრდოთ. აქ მხოლოდ იმაზე არაა საუბარი, რომ შავ ყუთებს არ გვაძლევენ.საუბარია მათ დაპირებებზე. მათ ოფიციალურად უნდა მოიხადონ ბოდიში და ადეკვატური კომპენსაციები გადაიხადონ. თუ ასე არ მოიქცევიან, სხვა გზა არ გვექნება გარდა იმისა, რომ საერთაშორისო სასამართლოს მივმართოთ“,- განაცხადა ზელენსკიმ.
ვლადიმერ ზელენსკიმ ასევე განაცხადა, რომ ირანი საბორტო ჩანაწერების კიევში გაგზავნას აგვიანებს და ამის მიზეზად პანდემიას ასახელებს.
„თუმცა, ჩვენ განუსაზღვრელი ვადით ვერ მოვიცდით, ისედაც დიდხანს ველოდებით“,- განაცხადა ზელენსკიმ.
შეგახსენებთ, რომ უკრაინული თვითმფრინავი – „ბოინგ – 725“ 8 იანვარს, თეირანთან ახლოს ჩამოაგდეს. ავიაკატასტროფას 176 ადამიანის სიცოცხლე ემსხვერპლა. თვითმფრინავის ჩამოგდებაზე პასუხისმგებლობა ირანის რევოლუციურმა გვარდიამ აიღო.
