ჟურნალისტი დავით ქაშიაშვილი შინაგან საქმეთა სამინისტროში გამოკითხვაზე მივიდა. საქმე ეხება თამარ ბაჩალიაშვილის საქმეს, „შაბათის ფორმულაში“ გასული მასალების მიხედვით, ირკვევა რომ სანდო წყარო ბაჩალიაშვილის გარდაცვალების მოტივად სამი მაღალჩინოსნის კომპრომატებს ასახელებს. წყაროს ინფორმაციით, ბაჩალიაშვილმა დახურულ ფაილებში შეაღწია.
„საქმე ეხება როგორც იცით თამარ ბაჩალიაშვილის ბუნდოვანებით მოცულ გარდაცვალებას, „შაბათის ფორმულაში“ გავრცელებულ ინფორმაციას. ეს ინფორმაცია სხვადასხვა წყაროს მიერ მოწოდებული, „შაბათის ფორმულას“ უფრო ადრე ჰქონდა, მაგრამ გამომდინარე იქიდან რომ ვერ ხერხდებოდა ამ ინფორმაციის დაზუსტება ჩვენ თავი შევიკავეთ მანამდე მისი გავრცელებისგან.
მას შემდეგ რაც გამოჩნდა სანდო წყარო, საგამოძიებო უწყებიდან და დაგვიდატურა ის ინფორმაცია რასაც ვფლობდით, ჩვენი პროფესიული ვალდებულებაა ერთი რომ წყაროს კონფიდენციალურობა დავიცვათ და მეორე, წყაროს მიერ მოწოდებული ინფორმაცია გავავრცელოთ.
გამოძიება გარდა „შაბათის ფორმულაში“ გასული ინფორმაციის გარდა, ვერც ვერაფერს გაიგებს ჩემგან, გასაგები მიზეზების გამო,”-განაცხადა ქაშიაშვილმა.
ჟურნალისტი დავით ქაშიაშვილი შსს-ში გამოკითხვაზე მივიდა.
შეგახსენებთ, რომ „შაბათის ფორმულამ“ სანდო წყაროზე დაყრდნობით, გაავრცელა ინფორმაცია, რომ ბაჩალიაშვილის გაუჩინარების დღეს მას „ვოთსაფში“ დაურეკეს და კონკრეტული ლოკაცია გაუგზავნეს.
