ზურა ჯაფარიძემ საკონსტიტუციო სასამართლოში სარჩელი შეიტანა და გაასაჩივრა პარლამენტის გადაწყვეტილება, ოპოზიციონერი დეპუტსტებისთვის მანდატების შენარჩუნების თაობაზე.
„სარჩელი შემაქვს დადგენილებასთან დაკავშირებით, რომელიც ცოტა ხნის წინ მიიღო პარლამენტმა და რომლითაც უარი მითხრეს მანდატის გაუქმებაზე.
როგორც იცით, თვენახევრის წინ შევიტანე განცხადება პარლამენტში, რომ ვითხოვდი მანდატის გაუქმებას. წინასწარ მქონდა დაანონსებული. მითხრეს უარი. რითიც, ჩემი აზრით, დაირღვა ჩემი უფლებები , ეს გადაწყვეტილება არის არაკონსტიტუციური. მე მეზღუდება ყველანაირი საქმიანობა, გარდა საგანმანათლებლოს. რადგან ფაქტობრივად მტოვებენ პარლამეტის წევრად.
გარდა მაგისა, მთხოვენ რაღაც დეკლარაციის შევსებას, არშევსების შემთხვევაში აპირებენ 1000 ლარით ჩემს დაჯარიმებას და შემდეგ სისხლის სამართლის პასუხისგებაში მიცემას. ამ დადგენილებას ვასაჩივრებ და ვითხოვ, რომ გაუქმდეს პარლამენტის დადგენილება და შემიჩერდეს მანდატი. ეს არის სიგიჟე, აიძულო ადამიანს, გინდა თუ არა პარლამენტში იმუშავეო“, – განაცხადა ზურა გირჩი ჯაფარიძემ.
ავტორი: ნაირა ქობულაძე
