პოლიციამ ფიზიკური ძალის გამოყენებით გამომიყვანა ჩემი ბინიდან,- ამის შესახებ ზურა ჯაფარიძემ „რეფორმერი ფიტნესიდან” გამოსვლის შემდეგ განაცხადა. ჯაფარიძე ამბობს, რომ ის 30 ნოემბერს პოლიციაშია დაბარებული.
„მე მათ ავუხსენი, რომ ეს არის ჩემი ბინა და თუ მათ პრეტენზია ჰქონდათ, რომელიმე შპს-სთან, რომელიც არღვევდა მთავრობის დადგენილ რეგულაციას წასულიყვნენ იმ შპს-სთან და დაეჯარიმებინათ, ეს იყო ჩემი ბინა და მათ აქ შემოსვლის უფლება არ ჰქონდათ. თითქმის ნახევარი საათის განმავლობაში ვთხოვდი, რომ წარმოედგინათ რაიმე დოკუმენტი, რის საფუძველზეც არ მიშვებდნენ საკუთარ ბინაში და თვითონ რჩებოდნენ იქ – ეს დოკუმენტი არ წარმომიდგინეს და საბოლოოდ ფიზიკური ძალის გამოყენებით გამომიყვანეს გარეთ”, – განაცხადა „გირჩის“ ლიდერმა.
