„პაციენტების უსაფრთხოება უმთავრესი პრიორიტეტია“,- ამის შესახებ ფარმაცევტულ კომპანია AstraZeneca-ში აცხადებენ.
„ვაქცინის უსაფრთხოება კლინიკური ცდების მესამე ეტაპზე ფართოდ იყო შესწავლილი. ექსპერტების შეფასებები ცხადყოფს, რომ პაციენტები ვაქცინას ზოგადად კარგად იტანენ“,- ნათქვამია AstraZeneca-ს მიერ გამოქვეყნებულ განცხადებაში.
შეგახსენებთ, რომ AstraZeneca-ს ვაქცინის გამოყენება რამდენიმე ქვეყანამ დროებით შეაჩერა. აღნიშნულ გადაწყვეტილებას წინ უძღვოდა რამდენიმე შემთხვევა, როდესაც ვაქცინაციის შემდეგ ადამიანებს სისხლის შედედებასთან დაკავშირებული პრობლემები გამოუვლინდათ.
