ქალბატონ ნელი დოროყაშვილს მოვუწოდებ, შესრულოს სასამართლოს გადაწყვეტილება და ნუ უმალავს ბავშვს მამას, ბებიას და ბაბუას, – ამის შესახებ საქართველოს პიერველ არხს ჩოგბურთელ ნიკოლოზ ბასილაშვილის ადვოკატმა, ირმა ჭკადუამ განუცხადა.
„დავიწყოთ იქედან, რომ ნიკოლოზ ბასილაშვილს წარდგენილი ჰქონდა ძალადობის მუხლის მეორე ნაწილი. როდესაც დაზუსტდა ბრალი და ეს არ მომხდარა დღეს, არამდ რამდენიმე თვის წინ, მას დაუზუსტა ეპიზოდები პირველი ნაწილით. შესაბამისად, ბრალის დამძიმებაზე საუბარი არის მიზანმიმართული დისკრედიტაცია. დოროყაშვილი და მისი დამცველები აკეთებენ ყველაფერს, რათა ბატონ ბასილაშვილს იმიჯი შეულახონ როგორც ადგილობრივ, ასევე საერთაშორისო დონეზე და ეს არ არის პირველი შემთხვევა.
ქალბატონი დოროყაშვილის მხრიდან ბასილაშვილი არის ფსიქოლოგიური ტერორის მსხვერპლი. ჩვენ ვიცით, რომ ორ დღეში ბატონი ბასილაშვილი ამერიკაში, ერთ-ერთ ყველაზე მნიშვნელოვან ჩემპიონატზე მონაწილეობას მიიღებს. ეს არ არის პირველი შემთხვევა, როდესაც ჩემპიონატის წინ ნიკოლოზ ბასილშვილი არის ფსიქოლოგიური ტერორის ქვეშ. ჩვენ ამას დავამტკიცებთ სასამართლოში.”, – განაცხადა ირმა ჭკადუამ.
