დღეიდან, 5 მაისიდან oxford/astrazeneca-ს ვაქცინის მეორე დოზისთვის რეგისტრაცია იწყება. ამის შესახებ დაავადებათა კონტროლისა და პრევენციის ცენტრის მიერ გავრცელებულ განცხადებაშია ნათქვამი.

„Oxford/astrazeneca-ს ვაქცინის მეორე დოზის მისაღებად მოქალაქეების რეგისტრაცია შესაძლებელი იქნება 5 მაისიდან, თავად აცრის პროცესი დაიწყება 10 მაისიდან.

მეორე დოზის მისაღებად შეგიძლიათ დარეგისტრირდეთ პირველი აცრიდან 4-12 კვირის ინტერვალით. სამედიცინო დაწესებულებას ირჩევთ სურვილისამებრ.

ასაკობრივი შეზღუდვა არ ვრცელდება მათზე, ვინც პირველი დოზის აცრა ჩაიტარა ასტრაზენეკას ვაქცინით.

აცრისთვის ვიზიტის დასაჯავშნად ეწვიეთ პლატფორმას booking.moh.gov.ge  ან დარეკეთ ნომერზე 1522“,- ნათქვამია გავრცელებულ ინფორმაციაში.