ბიზნესმენ თემურ ჭყონიას განცხადებით, ლარი მყარდება, თუმცა ამის მიზეზს ვერ ხსნის. მან ამის შესახებ bm.ge-ს განუცხადა.
მისივე თქმით, საქართველოში არსებულ ვითარებას სწორი სწორი ეკონომიკური ანალიზი და ფუნდამენტური ცვლილებები სჭირდება.
“ლარის გამყარება ძალიან სასიამოვნოა, მაგრამ ჩვენ როგორც იმას ვერ ავხსენით, რატომ იყო ასეთ მდგომარეობაში ლარი, ისე ვერ ავხსენით, რატომ მყარდება. ამის ამხსნელი მე საქართველოში არ მეგულება. რომ საუბრობენ, ტურისტები შემოვიდნენო, არ მგონია, იმდენი ტურისტი შემოვიდეს საქართველოში და იმდენი ფული დახარჯოს, რომ ეკონომიკური ზრდა 1 თვეში დაიწყოს. ეს ყველაფერი მანიპულაციაა, არასწორი, არაპროგრესული ეკონომიკური ხედვებია. ეს რუსული მენტალიტეტით დატვირთული საზოგადოებაა, რომელსაც ფუნდამენტალური ცვლილება, სწორი ეკონომიკური ანალიზი სჭირდება“, – განმარტავს თემურ ჭყონია.
