გიგი უგულავას საქმის პროკურორის, ნათია გურულის განცხადებით, უგულავამ მის საქმეში „ამნისტიის შესახებ კანონის“ გამოყენებაზე უარი განაცხადა
„აღნიშნული ქმედებაზე ვრცელდება ამნისტია და ათავისუფლებს სისხლის სამართლებრივი პასუხისმგებლობისგან და სასჯელისგან იმ შემთხვევაში, თუ ერთის მხრივ თანახმა იქნებოდა დაზარალებული და მეორეს მხრივ, ამაზე თანხმობას განაცხადებდა ბრალდებული. იმის გათვალისწინებით, რომ ბრალდებულმა თავად განაცხადა უარი მის მიმართ ამნისტიის შესახებ კანონის გამოყენებაზე, ვერ მოხდა დაზარალებულის პოზიციის მოსმენა”, – განაცხადა ნათია გურულმა.
შეგახსენებთ, შემთხვევა თბილისის აეროპორტში 2019 წლის 11 დეკემბერს მოხდა. გიგი უგულავას ბრალი სისხლის სამართლის კოდექსის 126-ე მუხლით აქვს წარდგენილი, რაც ძალადობას გულისხმობს. მას ძიუდოისტ ბადრი გავაშელიშვილის ცემას ედავებიან.
