თბილისის მერობის კანდიდატმა და ყოფილმა პრემიერ მინისტრმა, გიორგი გახარიამ „ღამის კურიერის“ ეთერში მისი თანამდებობიდან გადადგომის მიზეზებზე კიდევ ერთხელ ისაუბრა. როგორც ის ამბობს, მისი პოსტიდან წასვლის მიზეზი ნიკა მელიას საკითხი არ გამხდარა.
„თქვენ ხომ არ გგონიათ, რომ მართლა მელიასთვის გადავდექი? მარტივი მიზეზის გამო გადავდექი. როგორც კი დავინახე, რომ პარტიის ნაწილი, პარტიულ ინტერესებს, რაც მათი პერსონალური ინტერესები უფრო იყო, სახელმწიფო ინტერესებზე უფრო მაღლა აყენებს, რა თქმა უნდა, მე ეს გადაწყვეტილება მივიღე. არც ერთი წამით და არც ერთი წუთით ამას არ ვნანობ. იგივეს გავაკეთებდი. რატომ გადავდექი იცით? იმიტომ რომ დღეს ნიკა მელია არჩევნების კანდიდატი კი არ უნდა იყოს, უნდა იყოს მსჯავრდებული და იხდიდეს სასჯელს. ადამიანი, რომელმაც ფიზიკური შტურმი მიიტანა პარლამენტზე. წარმოგიდგენიათ ხომ? ამაზე პასუხისმგებლობას უნდა გრძნობდეს ოცნება, მეგონა რომ გონიერება გაიღვიძებდა, მაგრამ არ გაიღვიძა,“ – განაცხადა გიორგი გახარიამ.
