ზუგდიდის საოლქო საარჩევნო კომისიასთან, ენმ-ის ლიდერების გვერდით დგას ყოფილი პრეზიდენტის, მიხეილ სააკაშვილის დედა გიული ალასანია. მათ შორის, საპროტესტო აქციაში მონაწილეობენ ზუგდიდის მერობის კანდიდატი ანზორ მელია, “ნაციონალური მოძრაობის” ლიდერი ნიკა მელია, თამარ კორძაია და ეკა ხერხეულიძე.
როგორც ნიკა მელია ამბობს, ისინი აქ ქვეყნის სიყვარულმა, ზუგდიდის მომავალმა მოიყვანა და ხმების დაცვა აუცილებელია.
მანამდე მათ წუთიერი დუმილით პატივი მიაგეს ბათუმში დაღუპულთა ხსოვნას. ენმ-ის ოფისთან კი დაღუპულთა ხსოვნის პატივსაცემად სანთლები აანთეს.
შეკრებილთა თქმით, “ქართული ოცნების” დაკვეთით, საოლქო კომისია აყალბებს არჩევნების შედეგებს, რაც დაუშვებელია.
ავტორი: თეა შონია
