გურჯაანის მუნიციპალიტეტს ახალი რეანომობილი დღეს, სასწრაფო დახმარების ახალი შენობის ოფიციალურ გახსნაზე გადაეცა.
რეანომობილი მძიმე პაციენტების თბილისში გადაყვანას ოპერატიულად უზრუნველყოფს.
თავად სასწრაფო დახმარება მუშაობას 4 ეკიპაჟით იწყებს.
ცენტრის მშენებლობა, ინფრასტრუქტურისა და ჯანდაცვის სამინისტროებმა, ადგილობრივ ხელისუფლებასთან ერთად განახორციელეს.
პროექტის მიზანი ქვეყანაში გადაუდებელი დახმარების ხარისხის გაუმჯობესებაა.
სასწრაფო დახმარების ახალი შენობის გახსნას რეგიონული განვითარებისა და ინფრასტრუქტურის მინისტრის მოადგილე ილია ბეგიაშვილი, კახეთის გუბერნატორთან, ირაკლი ქადაგიშვილთან ერთად ესწრებოდა.
ავტორი: ხათუნა გულიაშვილი
