ბელარუსში პროტესტის ფონზე ქვეყნის ლიდერი ალექსანდრე ლუკაშენკო უარყოფს გავრცელებულ ინფორმაციას, რომ მან ბელარუსი დატოვა.
„დასაწყისისთვის, ცოცხალი ვარ და არც საზღვარგარეთ წავსულვარ, როგორც ამას ზოგიერთი „გათვითცნობიერებული წყარო“ ამტკიცებს“, – განაცხდა ალექსანდრე ლუკაშენკომ.
მისივე თქმით, ახლა ბელარუსში მუშათა კოლექტივის საპროტესტო აქციების აგორებას ცდილობენ.
„თუ ხალხს მუშაობა სურს, აგერ არის სამუშაო ადგილები. ძალით ვერ მივიყვანთ სამუშაოზე. თუ გავჩერდებით, წარმოებას ვერასდროს ამოვქოქავთ. ჩვენ ამ ჭაობისკენ გვიბიძგებენ. ხალხს ეს უნდა ავუხსნათ“, – განაცხდა ალექსანდრე ლუკაშენკომ.
11 აგვისტოს ბელარუსიაშია საპრეზიდენტო არჩევნები ჩატარდა. საარჩევნო უბნების დახურვის შემდეგ, დედაქალაქ მინსკში და ქვეყნის სხვა ქალაქებში საპროტესტო აქციები დაიწყო და მეხუთე დღეა მიმდინარეობს.
ყველაზე რთული ვითარება მინსკშია. დემონსტრანტებსა და სამართალდამცველებს შორის დაპირისპირება გრძელდება. ადგილობრივი მედიის ცნობით აქციების დროს 2 ადამიანი დაიღუპა, 7000-მდე მომიტინგე დააკავეს.
ბელარუსის ცენტრალური საარჩევნო კომისიის მონაცემების მიხედვით, არჩევნებში ქვეყნის მოქმედმა პრეზიდენტმა ალექსანდრე ლუკაშენკომ გაიმარჯვა და ხმების 80%-ზე მეტი მოიპოვა. მათივე ცნობით, მეორე ადგილზე ოპოზიციის ლიდერი სვეტლანა ციხანოვსკაია გავიდა 10.09%-ით. ტიხანოვსკაიას შტაბი ცესკო-ს უნდობლობას უცხადებს.
ოპოზიციის ლიდერი ბელარუსიდან არჩევნების ოფიციალური შედეგის გამოცხადების შემდეგ, ლიეტუვაში წავიდა. მისი გამგზავრებიდან მალევე, ინტერნეტში ორი ვიდეო მიმართვა გავრცელდა.
პირველი მიმართვა, სადაც ციხანოვსკაია ვიდეოს თავად იღებს, არჩევანის არარსებობას, მისთვის გამოუვალ მდგომარეობასა და ქვეყნის დატოვების აუცილებლობას ეხება.
მეორე ვიდეო მიმართვა კი ტელეგრამის პროსამთავრობო არხზე გავრცელდა, სადაც ციხანოვსკაია კამერას არ უყურებს, დაწერილ ტექსტს კითხულობს და ხალხს პროტესტის შეწყვეტისკენ მოუწოდებს:
მე სვეტლანა ტიხანოვსკაია მადლობას გიხდით სახელმწიფოს მეთაურის არჩევაში მონაწილეობის მიღებისთვის. ბელარუსის მოსახლეობამ საკუთარი არჩევანი გააკეთა. მადლიერებითა და სითბოთი მსურს მივმართო მათ, ვინც ამ ხნის განმავლობაში მხარს მიჭერდა
