ალექსანდრ ლუკაშენკო ბელარუსში განმეორებითი საპრეზიდენტო არჩევნების ჩატარებას გამორიცხავს. ინფორმაციას belta ავრცელებს.
ლუკაშენკოს განცხადებით, ბელარუსში ჩატარდა არჩევნები და სხვა არჩევნები არ იქნება.
„ვერასდროს ეღირსებით ჩემგან, რომ მე ზეწოლის ქვეშ რამე გავაკეთო. ვიდრე არ მომკლავთ, ხელახალი საპრეზიდენტო არჩევნები არ გაიმართება. არჩევნები უკვე ჩატარდა და სხვა არჩევნები აღარ იქნება“, – განაცხადა ალექსანდრე ლუკაშენკომ.
შეგახსენებთ, რომ საპროტესტო აქციები ბელარუსში ერთი კვირაა იმართება. დემონსტრანტები პრეზიდენტ ლუკაშენკოს 9 აგვისტოს გამართული საპრეზიდენტო არჩევნების გაყალბებაში ადანაშაულებენ.
