„ევროპული საქართველოს“ ერთ-ერთი ლიდერი, გიგი უგულავა მარნეულში მომხდარ ინციდენტს ეხმაურება.
მისი თქმით ხელისუფლების მსგავსი საქციელით მხოლოდ ოპოზიცია ძლიერდება.
„კალაძემ ორი დღის წინ თათბირი ჩაატარა და ხელშეუხებლობის გარანტია მისცა ზონდერობას. პირდაპირ დავალება მისცა ტელევიზიებზე. ფორმულა, მთავარი, პირველი – პირდაპირ განუსაზღვრა სამიზნეები. ხელისუფლების მხრიდან ასეთი საქციელით, მხოლოდ ოპოზიცია ძლიერდება. მკაცრად აგებთ პასუხს- დედა გეტირებათ“, – წერს გიგი უგულავა „ფეისბუქზე“.
შეგახსენებთ, 29 სექტემებრს საღამოს, მარნეულში ერთმანეთს „ოცნებისა“ და „ნაციონალური მოძრაობის“ აქტივისტები დაუპირისპირდნენ.
დაპირისპირების დროს დაშავდა მთავარი არხის ჟურნალისტი. კამერა დაუმტვრიეს საზოგადოებრივი მაუწყებლის ოპერატორს. დაშავდა რამდენიმე აქტივისტი.
შინაგან საქმეთა სამინისტრომ გამოძიება დაიწყო.
საგანგებო განცხადება გაავრცელა „ქართულმა ოცნებამ“
