„ძალიან გულდასაწყვეტია იმ ინციდენტების შესახებ ინფორმაცია, რომელიც წინასაარჩევნო პერიოდში მთელს საქართველოში ხდება. მადლობელი ვარ სამოქალაქო საზოგადოების ორგანიზაციების მიმართ, რომლებიც აკონტროლებენ იმას, რომ მსგავსი ფაქტები ყურადღების გარეშე არ დარჩეს“,- ამის შესახებ აშშ-ის ელჩმა საქართველოში კელი დეგნანმა განაცხადა.
როგორც იგი ამბობს, ასეთი ინციდენტები საქართველოს რეპუტაციას ლახავს.
„მსურს მოვუწოდო ყველა პოლიტიკური პარტიის ლიდერებს, გაუგზავნონ მკვეთრი გზავნილები თავიანთ მხარდამჭერებს, რომ ძალადობა არც ერთი არჩევნების დროს არ არის მისაღები. ეს არ არის დემოკრატიული არჩევნების ჩატარების გზა. ისევე როგორც მიუღებელია დაშინების ფაქტები. ასეთი ინციდენტები საქართველოს რეპუტაციას ლახავს. ვინც გინდა იყოს ამ ძალადობის უკან, ყველამ, ყველა პარტიის ლიდერმა უნდა გაუგზავნოს ნათელი მესიჯი თავიანთ მხარდამჭერებს, რომ ძალადობა მიუღებელი და შეუწყნარებელია,“- განაცხადა ელჩმა.
ცნობისთვის, ცნობისთვის, მარნეულში „ქართული ოცნებისა“ „ნაციონალური მოძრაობის“ აქტივისტები სიტყვიერად და ფიზიკურად ერთმანეთს კიდევ ერთხელ დაუპირისპირდნენ. არსებული ინფორმაციით, დაპირისპირების შედეგად, ოპოზიციის სამი წარმომადგენელი დაშავდა. ასევე, დაზიანდა ავტომობილიც. ასევე, დაშვებულია ორი ჟურნალისტი.
ამის შემდეგ კი, მეორე დღეს „ქართული ოცნების“ წარმომადგენელს მანქანა დააჯახეს და სასტიკად სცემეს.
