შეღავათის მინიჭება, როგორიც არის მოგების გადასახადის 5%-ი 15%-ის ნაცვლად, საშემოსავლო გადასახადის 5% მისცემს დამატებით ბიძგს რეგიონალურ კომპანიებს, გლობალურ IT კომპანიებს შემოვიდნენ საქართველოში და დაასაქმონ ჩვენი ნიჭიერი ადამიანები, – ამის შესახებ ეკონომიკისა და მდგრადი განვითარების მინისტრმა, ნათია თურნავამ განაცხადა.
„ეს არის იმ ე.წ. რელოკაციის და უცხოური ინვესტიციების მოზიდვის პროაქტიური სტრატეგიის შემდგომი გაგრძელება და შემდგომი ნაბიჯი, რაც ჩვენ რამდენიმე ხნის წინ დავაანონსეთ და დავიწყეთ. მიუხედავად გლობალური პანდემიისა, შევძლოთ, რომ საქართველო კვლავაც და კიდევ უფრო მეტად განიხილებოდეს უცხოელი ინვესტორების მიერ, როგორც მიმზიდველი პლატფორმა, რომელიც მიუხედავად ყველა გლობალური გამოწვევისა, გამოიყურება ყველაზე სტაბილურად, სთავაზობს ყველაზე კარგ საგადასახადო გარემოს და ეს ხდება ცალსახა მოტივაცია ამ კომპანიებისთვის, რომ შემოვიდნენ საქართველოში და მეტი სამუშაო ადგილი შექმნან“, – განაცხადა მინისტრმა.
ცნობისთვის: დღევანდელ მთავრობის სხდომაზე საზღვაო ბიზნესთან დაკავშირებული და IT საერთაშორისო კომპანიებისთვის შეღავათების დაწესებაზე იმსჯელეს.
