„სტრატეგია აღმაშენებლის“ კოალიციის წარმომადგენელი თაკო ჩარკვიანი ამბობს, რომ თუ, ხელისუფლება არჩევნებს გააყალბებს, ის და სხვები, პროტესტის ნიშნად, რუსთაველის გამზირზე გაწვებიან.
„უკანონობისა და შურისძიების მოწინააღმდეგე ვარ. ამიტომ, ჩემი რჩევა არის, გულწრფელი რჩევა იმ ადამიანისა, რომელიც 2012 წელს ელოდებოდა, რომ რაღაც იმედები გამართლდებოდა. ერთ-ერთი რიგითი ადამიანი ვიყავი, რომელიც ელოდებოდა, როგორც მთელი საქართველო და ეგონა, რა სახელიც ჰქონდა მას, ქველმოქმედის, ის გაიმეტებდა თავის სამშობლოსთვის სახელმწიფოებრივად ქველმოქმედებას. ახლა გულწრფელად ვურჩევ, რომ, აი, თავში არ გაივლონ, უბრალოდ გავწვებით რუსთაველზე, ამ შეურაცხყოფას არ მივაყენებინებთ, არავინ არ დაგვიჭირდება, არავინ ახალგაზრდებს არ გამოიყვანს გარეთ თვალების დასათხრელად.
ხალხი ამას არ აპატიებს, შიმშილია, განვითარება შეწყვიტა ქვეყანამ, ეკონომიკური განვითარება, მაჩანჩალად გვიცნობენ, ხალხი შიმშილობს, პენსიონერები სულს ღაფავენ. მე რად მინდა გამოკვლევა, მთელი ზაფხული არ ჩამიმუხლავს, თუ იმ 19 დღეს არ ჩავთვლით, როცა კოვიდი მქონდა, ხალხის დიდი რაოდენობა მივა არჩევნებზე; მერწმუნეთ, ზუსტად ვიცი, დავდივარ მთელი ზაფხული ჩაუმუხლავად“, – აცხადებს თაკო ჩარკვიანი.
