ამ წუთებში მარნეულის 89-ე უბანზე ინციდენტი მოხდა.

ერთმანეთს  სამოქალაქო „პლატფორმა 2020-ის“, „ერთიანი ნაციონალური მოძრაობის“ და „ქართული ოცნების“ წარმომადგენლები დაუპირისპირდნენ.

„პლატფორმა 2020-ის“​ წარმომადგენლის გიორგი მუმლაძის თქმით, ოპოზიციის წარმომადგენლები „ქართული ოცნების“ წევრებმა საარჩევნო უბნიდან გამოაგდეს.

„,ჩვენი დამკვირვებლები გამოაგდეს უბნიდან, უთხრეს ხელს გვიშლითო, ფიზიკური და სიტყვიერი შეურაცხყოფა იყო მათი მხრიდან, მათ უნდათ გაყალბება, ამიტომ იქცევიან ასე“, – ამბობს გიორგი მუმლაძე.

მარნეულის 22-ე საოლქო საარჩევნო კომისიის თავმჯდომარე ანი ილურიძე, კი აცხადებს, რომ ოპოზიციის წარმომადგენელი ერთ-ერთ დამკვირვებელს ფიზიკურად გაუსწორდა და შეხლა-შემოხლა აქედან დაიწყო .

89-ე უბანზე ხმის მიცემა, ინციდენტის დროს შეწყვეტილი იყო და ხმის მიცემის პროცედურა ახლა განახლდა.

ყველა ინფორმაცია საპარლამენტო არჩევნებთან დაკავშირებით ნახეთ ამ ბმულზე

ავტორი: მარიამ ქველაძე