„ერთიან ნაციონალურ მოძრაობაში” მუდამ ხდებოდა ცვლილებები, მაგრამ იმ წასულებს ცვლიდნენ სხვა ადამიანები, – ამის შესახებ “ნაციონალური მოძრაობის” ერთ-ერთმა ლიდერმა, ნუგზარ წიკლაურმა ბრიფინგზე განაცხადა.
მისივე თქმით, ის და მისი თანაგუნდელები არ იზიარებენ ვაშაძის განცხადების არც პათოსს და არც შინაარს.
“მისი წასვლა, როცა ქვეყანაში პოლიტიკური ვითარება სულ უფრო და უფრო მძიმდება და ამ განცხადების ფორმა და შინაარსი იყო ჩვენთვის მოულოდნელიც, აუხსნელიც და ვერავითარ შემთხვევაში ვერ გავიზიარებთ ვერც პათოსს და ვერც შინაარსს იმ განცხადების, რომელიც ჩვენთან შეუთანხმებლად გამოაქვეყნა ბატონმა გრიგოლ ვაშაძემ”, – განაცხადა ნუგზარ წიკლაურმა.
გრიგოლ ვაშაძემ „ნაციონალური მოძრაობის“ დატოვების შესახებ ინფორმაცია რამდენიმე საათის წინ გაავრცელა და ამის მიზეზები განმარტა.
