თეთრი სახლის ცნობით, კაპიტოლიუმის შენობისკენ, რომელშიც დემონსტრანტები შეიჭრნენ, ეროვნული გვარდია და ფედერალური სამართალდამცავების დამატებითი ძალები გაემგზავრა. ამის შესახებ Twitter-ზე თეთრი სახლს პრესმდივანი კეილი მაკენანი წერს.
მისივე თქმით, შესაბამისი განკარგულება აშშ-ის მოქმედმა პრეზიდენტმა, დონალდ ტრამპმა გასცა.
„ჩვენ ვიმეორებთ პრეზიდენტის მოწოდებას ძალადობის წინაღმდეგ“, – წერს მაკენანი.
ასევე, განცხადებას პენტაგონის პრესსპიკერიც ავრცელებს.
„დედაქალაქის გვარდია მობილიზებულია, რათა დაეხმაროს ფედერალურ სამართალდამცავ სტრუქტურებს. თავდაცვის მოქმედი მდივანი კრისტოფერ მილერი კონტაქტზეა კონგრესის ხელმძღვანელობასთან და შეიარაღებული ძალების მდივანი რაიან მაკკარტი დედაქალაქის ხელისუფლებასთან მუშაობს“, – განაცხადა პენტაგონის პრესსპიკერმა ჯონათან ჰოფმანმა.
