„იშვიათად შეიძლება უფრო მძიმე ალერგიული გამოხატულება ჰქონდეს, თუმცა ყველა შემთხვევა იყო მართვადი. კორონავირუსის საწინააღმდეგო ვაქცინა სასიცოცხლო რისკის შემცველი ნამდვილად არ არის“, – ამის შესახებ დაავადებათა კონტროლის ეროვნული ცენტრის გადამდებ დაავადებათა დეპარტამენტის ხელმძღვანელმა, ხათუნა ზახაშვილიმა „პირველი არხის“ ეთერში განცხადა.
ხათუნა ზახაშვილის განცხადებით, ვაქცინაციას ალტერნატივა არ აქვს.
„სამეცნიერო მტკიცებულებებზე დაყრდნობით გავრცელდა ინფორმაცია, რომ ახლა არსებულ ვაქცინებს აქვს უნარი, გამოიმუშაოს საკმაოდ ფართო სპექტრის იმუნიტეტი, რათა დაფაროს ახლა წარმოქმნილი კორონავირუსის ახალი ქვეტიპების მიერ გამოწვეული კოვიდ-19-ის შესაძლო განვითარების სცენარები. შესაბამისად, ვაქცინაციას ჯერჯერობით ალტერნატივა არ აქვს“, – განაცხადა ხათუნა ზახაშვილმა.
