ძალიან ვთხოვ ყველას, რომ თავი შეიკავოს ჩვენი საამაყო ეპიდემიოლოგების უსამართლო კრიტიკისა და დადანაშაულებისგან, – ამის შესახებ ეკონომიკის მინისტრმა ნათია თურნავამ განაცხადა.
„ჩვენი ქვეყნის ჯანდაცვის სექტორის, ეპიდემიოლოგების და ექიმების მიმართ დამოკიდებულებას რაც შეეხება, ამ ბოლო დროს, ძალიან დამაფიქრებელი ტენდენციები ისმის. შეიძლება ეს იყოს გულწრფელი კრიტიკა ბიზნესიდან, რომელმაც შეიძლება არ იცოდეს ჩვენი გადაწყვეტილების მიღების ლოგიკა, თუმცა პოლიტიკურად ანგაჟირებული ძალიან ბევრი განცხადებაც გვესმის.
სხვადასხვა ოპოზიციურ პარტიას, ვინც არის არეულობის, ამბოხის მსურველი და ვისაც ქვეყნის მშვიდობიანი განვითარება არ სურს, უნდა, რომ დარტყმა მიიტანოს ჩვენს გმირებზე, მაღალი რეპუტაციის მქონე ადამიანებზე, ვის მხრებზეც გადაიარა მთელი ამ პერიოდის განმავლობაში ეპიდემიასთან ბრძოლამ. ეს არის ძალიან უსამართლო და ძალიან ვთხოვ ყველას, რომ თავი შეიკავოს ჩვენი საამაყო ეპიდემიოლოგების ასეთი უსამართლო კრიტიკისა და დადანაშაულებისგან. მათ შორის, მათი დამსახურებაა ის, რომ ჩვენ დღეს გახსნაზე ვსაუბროობთ და არა დაკეტვაზე“, – განაცხადა ნათია თურნავამ.
