„დაუმორჩილებლობის აქცია“ კომენდატის საათის გაუქმების მოთხოვნით უკვე 2 საათზე მეტია გრძელდება. მონაწილეებმა რუსთაველის გამზირიდან დედა ენის ბაღამდე მსვლელობა გამართეს.
აქციის ერთ-ერთი ორგანიზატორის, გიგა მაქარაშვილის თქმით, აქტივისტები დედა ენის ბაღში დაბანაკდებიან, მუსიკას ჩართავენ და იცეკვებენ.
“ახლა გვექნება მუსიკა ამ ლოკაციაზე, კარგი მხიარული მუსიკა, ვიცეკვებთ, ვიმხიარულებთ, მონატრებულები ღია ცის ქვეშ ჰაერზე ვიქნებით, დისტანციით ვართ, პირბადით ვართ. სადამდეც გაგვიხარდება იქამდე ვიქნებით, არანაირი ბატონი ჩვენ არ გვყავს. ჩვენ ვემორჩილებით მხოლოდ ჩვენს თავებს, ვემორჩლებით ჩვენს უფლებებს, ჩვენს უფლებებში ბუნებრივია არ შედის უაზრო რეგულაციები, მათ შორის კომენდანტის საათი”, – განაცხადა გიგა მაქარაშვილმა.
