„მოვუწოდებ ყველა პოლიტიკურ პარტიას, შესაძლოა, მეტად მივმართავ მმართველ გუნდს, რადგან ის მეტადაა პასუხისმგებელი იმაზე, რომ გაანეიტრალოს ოპოზიცური პარტიების მხრიდან შესაძლო პროვოკაციები და ქვეყანაში დესტაბიზილიზაციის სცენარები“,- ამის შესახებ საქართველოს პრეზიდენტმა, სალომე ზურაბიშვილმა, BBC-სთან მიცემული ინტერვიუს დროს განაცხადა.
კითხვაზე, უჭერს თუ არა მხარს პრეზიდენტი „ნაციონალური მოძრაობის“ თავმჯდომარის დაკავებას, სალომე ზურაბიშილი პასუხობს:
„ვიტყოდი, თუ რას ვუჭერ მხარს. ეს არის კომპრომისი, დეპოლარიზაცია და დეესკელაცია. ჩვენ საკმაოდ რთულ სამუშაოს ვატარებთ კომპრომისის მისაღწევად.
ორივე მხარემ მეტი უნდა გააკეთოს ამისთვის, თუკი ორივეს სჯერა, რომ საქართველოს მომავალი ევროპაშია, მე კი ამის ნამდვილად მჯერა. არ მგონია, რომ კრიზისი ამას ხელს შეუშალოს. საქართველომ ბევრ პროგრესს მიაღწია. ამას მოწმობს არაერთი ღონისძიება, რომელიც ბოლო პერიოდში შედგა, მათ შორის ევროპული საბჭოს პრეზიდენტის, შარლ მიშელის ვიზიტია, რომელმაც ამ კრიზისის მოგვარების შუამავლობა იკისრა. ამ საკითზე მანამდე აქტიურად მუშაობდნენ აშშ-ისა და ევროკავშირის ელჩები.
ევროკავშირი აღნიშნავს, რომ ბოლო პერიოდში გაჟღერებული კრიტიკის მიუხედავად, საქათველო არის რეგიონში ყველაზე წარმატებული, მეტად დემოკრატიული, სტაბილური ქვეყანა და მოხარული ვარ, რომ ევროკავშირის წარმომადგენელმა მედიატორის როლი იკისრა ამ კრიზისის მოგვარებაში. გარწმუნებთ, რომ ამ კრიზისის მოგვარებას ჩვენ შევძლებთ. მოვუწოდებ ორივე მხარეს, როგორც ხელისუფლებას, ისე ოპოზიციურ პარტიებს, შეწყდეს რიტორიკა, პროვოკაციები და დაიწყოს დიალოგი, რათა გახსნილი გონებით მივაღწიოთ კომპრომისს“, – აღნიშნა სალომე ზურაბიშვილმა.
