1000-მდე ვარდი და სხვა მინდვრის ყვავილები, პლუს ასტრომერიები, ლილიები სტატიცებით, 500 ცალი ჯუჯა ვარდით მორთული – 26 მაისის ინსტალაცია ზუგდიდელმა ფლორისტ-დიზაინერებმა 8 საათის განმავლობაში მორთეს.

ზუგდიდში მდებარე ერთ-ერთმა ყვავილების სალონმა ყვავილები ზოგი ადგილობრივი სათბურებიდან, ზოგი თბილისიდან ზოგი კი ქუთაისიდან მოიძია.

„უსასყიდლოდ გვეხმარებოდნენ მერიის ზედამხედველობის სამსახურის თანამშრომლები, რის გამოც ძალიან დიდი მადლობლები ვართ. ვულოცავთ სრულიად საქართველოს დამოუკიდებლობის დღეს“, – გვითხრა ფლორისტ-დიზაინერმა მარიამ კაკულიამ.

საქართველო დღეს, 26 მაისს დამოუკიდებლობის დღეს აღნიშნავს. ეპიდვითარების გამო, ქვეყანაში მასშტაბური ღონისძიებები არც წელს გაიმართება.

ყვავილებით მორთული ინსტალაცია ზუგდიდის სკეიტპარკის ტერიტორიაზე მდებარეობს.

ავტორი: თეა შონია