ჯანდაცვის მინისტრის მოადგილის თამარ გაბუნიას განცხადებით, 350 ბრიგადა სრულად ჩაერთვება ვაქცინაციის პროცესში, ამის შესახებ მან ჟურნალისტებთან განაცხადა.
„დღეისთვის მობილიზებულია 300-მდე ბრიგადა, ამ კვირაში დაემატება 50 ბრიგადა. 350 ბრიგადა სრულად ჩაერთვება ვაქცინაციის პროცესში. თითოეულ ბრიგადას დღის განმავლობაში, სულ მცირე, შეუძლია 60 მოქალაქის აცრა, რაც დღის განმავლობაში საკმაოდ მაღალი რაოდენობაა.
სამედიცინო დაწესებულების მიღმა, მოლებში ასევე მიმდინარეობს მზადება. ეს ყველაფერი დამოკიდებული იქნება უკვე მიმდინარე პერიოდში მოთხოვნაზე და იმაზე, თუ რამდენად დაგვჭირდება დამატება“, – განაცხადა გაბუნიამ.
ჟურნალისტების კითხვაზე, დაიწყება თუ არა მოსახლეობის მასობრივი იმუნიზიცია ხვალიდან, თამარ გაბუნიამ განაცხადა:
„ჯერ მაინც გვჭირდება პორტალზე რეგისტრაციის შესაძლებლობა. გარკვეული დრო დასჭირდება, სავარაუდოდ, დღის ბოლომდე იმისთვის,რომ ყველა ქოლ-ცენტრი 150-ვე დაწესებულებაში ფუნქციონირებდეს. ამდენად, უნდა დაველოდოთ პორტალის გამართულობას და ხვალ დამატებით ინფორმაციას გავავრცელებთ“, – განაცხადა გაბუნიამ.
