“მოქალაქეების” ლიდერი ალეკო ელისაშვილი აცხადებს, რომ 5 ივლისს განვითარებული მოვლენების გამო, შს მინისტრმა ვახტანგ გომელაურმა თანამდებობა უნდა დატოვოს.
“მოლოდინი არ მაქვს, მაგრამ ვისურვებდი, რომ გამოვიდეს ბატონი გომელაური, თქვას, რომ თავი ვერ გაართვა თავის უფლებამოსილებას 5 ივლისს, ვერ დაიცვა მოქალაქეები წინასწარ დაანონსებული ძალადობისგან და თქვას, რომ მან დატოვა თანამდებობა.
ეს იქნებოდა ძალიან სწორი, ძალიან ღირსეული და პასუხისმგებლობით საქმე ქმედება. 5 ივლისის გამო მან უნდა დატოვოს თანამდებობა,” – ამბობს პარლამენტის პოლიტიკური ჯგუფის ”მოქალაქეები” თავმჯდომარე ალეკო ელისაშვილი.
დღეს პარლამენტში ვახტანგ გომელაურს მოუსმენენ.
