თელავის თეატრთან განთავსებულ კარავთან მომხდარ ინციდენტზე, შინაგან საქმეთა სამინისტრომ გამოძიება დაიწყო. შსს-ს ინფორმაციით, გამოძიება სისხლის სამართლის კოდექსის 187- ე მუხლით დაიწყო, რაც სხვისი ნივთის დაზიანებას გულისხმობს.
ჯერჯერობით პოლიციას დაკავებული არავინ ჰყავს. საპატრულო პოლიციამ, ავტოსაგზაო შემთხვევის ფაქტზე, ცალკე მოკვლევა დაიწყო.
შეგახსენებთ, ინციდენტი თელავში 1 იანვარს მოხდა. ჯერჯერობით დაუდგენელი ორი პირი, ავტომანქანით კარავში შევარდა. შემთხვევის შედეგად, არავინ დაშავებულა.
ფაქტის გამოძიების მოთხოვნით, სამოქალაქო აქტივისტებმა დღეს თელავში მსვლელობა გამართეს. ისინი ჯერ პოლიციასთან, შემდეგ კი კახეთის საოლქო პროკურატურასთან მივიდნენ.
თელავის პოლიციის სამმართველოსთან, მცირე ინციდენტსაც ჰქონდა ადგილი, როცა აქტივისტებმა.კარვის გაშლა სცადეს. დაპირისპირების დროს ერთი აქტივისტი დააკავეს, თუმცა, მოგვიანებით, ის ხელწერილის საფუძველზე გაანთავისუფლეს.
ავტორი: ხათუნა გულიაშვილი
