„მე მივეცი შანსი ჯონ ბოლტონს..ის აღმოჩნდა უკიდურესად არაკომპეტენტური და მატყუარა“,- ამის შესახებ აშშ-ს პრეზიდენტი, დონალდ ტრამპი სოციალურ ქსელ Twitter-ზე წერს.

„მე მივეცი შანსი ჯონ ბოლტონს, რომელიც ვერ შეძლებდა სენატში დამტკიცების პროცედურის გავლას, რადგან ის შეშლილად მიაჩნდათ და არ მოსწონდათ. მე ყოველთვის მომწონს განსხვავებული მოსაზრებების მოსმენა. ის აღმოჩნდა უკიდურესად არაკომპეტენტური და მატყუარა. ნახეთ მოსამართლის მოსაზრება. საიდუმლო ინფორმაცია!“,- წერს ტრამპი.

I gave John Bolton, who was incapable of being Senate confirmed because he was considered a wacko, and was not liked, a chance. I always like hearing differing points of view. He turned out to be grossly incompetent, and a liar. See judge’s opinion. CLASSIFIED INFORMATION!!!

— Donald J. Trump (@realDonaldTrump) June 22, 2020

შეგახსენებთ, რომ დონალდ ტრამპმა ეროვნული უსაფრთხოების ყოფილი მრჩეველი, ჯონ ბოლტონი 2019 წლის სექტემბერში გარკვეულ საგარეო საკითხებთან დაკავშირებით უთანხმოების გამო გაათავისუფლა.

ჯონ ბოლტონი 23 ივნისს თავისი წიგნის  „ოთახი, სადაც ეს მოხდა – თეთრი სახლის მემუარები“ გამოცემას აპირებს, სადაც მისი დონალდ ტრამპთან მუშაობის პერიოდია აღწერილი.

ასევე წაიკითხეთ: რა გავიგეთ ჯონ ბოლტონის მემუარებიდან – მთავარი მესიჯები

აშშ-ს იუსტიციის დეპარტამენტის სარჩელის (არ მიეცათ ბოლტონისთვის წიგნის გამოქვეყნების უფლება)  მიუხედავად , სასამართლომ წიგნის გამოქვეყნება არ აკრძალა.

• მაიკ პომპეომ ჯონ ბოლტონს მოღალატე უწოდა

გამომცემლობა Simon & Schuster-ის ინფორმაციით, წიგნი შეიცავს ინფორმაციას ტრამპის „არათანმიმდევრული გადაწყვეტილების მიღების პროცესის შესახებ“ და ეს არის წიგნი, „რომლის წაკითხვაც ტრამპს არ სურს“.