“ჯერჯერობით ახალი რეგულაციების შემოღება არ იგეგმება” – ამის შესახებ ჯანდაცვის მინისტრის მოადგილემ, თამარ გაბუნიამ ჟურნალისტებთან საუბარში განაცხადა.
მისი თქმით, უკვე არსებობს გარკვეული შეზღუდვები რომლის დაცვაც მნიშვნელოვანია.
„ჯერჯერობით სხვა ახალი დამატებითი რეგულაციების შემოტანა არ იგეგმება, გარდა იმისა, რაც გასულ კვირას დაწესდა პისიარ ტესტის ან ვაქცინირებულის სტატუსით ღონისძიებებში მონაწილეობასთან დაკავშირებით”,- განაცხადა თამარ გაბუნიამ.
ცნობისთვის, ბოლო დღეების განმავლობაში საქართველოში კორონავირუსით ინფიცირებულთა რაოდენობა მკვეთრად გაიზარდა. 24 საათის განმავლობაში ქვეყანაში COVID-19-ის 2261 შემთხვევა გამოვლინდა. ინფიცირების შედეგად გარდაიცვალა 18 პირი.
