„მოქალაქეების“ ლიდერი, ალეკო ელისაშვილი განმარტავს, რა შემთხვევაში შეიძლებოდა ოპოზიციასა და ხელისუფლებას შორის მოლაპარაკების მიღწევა.
ალეკო ელისაშვილის თქმით, ოპოზიციას რომ დაეთმო ვადამდელი არჩევნები, „ქართულ ოცნებას“ კი გიორგი რურუას საქმე, შეთანხმება შედეგბოდა.
„რაზეც განსაკუთრებით გავცოფდი და გული მწყდება, არის ის, რომ გუშინ ხელი ჰკრეს და მაგიდიდან გადააგდეს შეთანხმება, სადაც საარჩევნო რეფორმასთან ერთად, მართლმსაჯულების რეფორმა ანუ ამ ქვეყნის მომავალი ეწერა, მაგრამ ვიღაცებისთვის როგორც ჩანს, კონკრეტული პარტიული დღის წესრიგი უფრო მნიშვნელოვანია, ვიდრე მართლმსაჯულების რეფორმა ან კონკრეტულ პატიმრებზე ლაპარაკი ურჩევნიათ, თითქოს ხელისუფლებას არ რჩება ბერკეტი, რომ მერე კიდევ სხვა დააპატიმროს”, – განაცხადა ელისაშვილმა.
შეგახსენებთ, რომ „ქართულ ოცნებასა” და ოპოზიციას შორის თითქმის 7 საათიანი შეხვედრა კონკრეტული შედეგის გარეშე დასრულდა.
როგორი იქნება შარლ მიშელის შემდგომი ნაბიჯები, ეს მას შემდეგ გახდება ცნობილი, რაც დანიელსონი მას მოლაპარაკებების შესახებ დეტალურ ინფორმაციას გააცნობს.
