პარტია „მოქალაქეების“ ლიდერი ალეკო ელისაშვილი აცხადებს, რომ ოპოზიციის ნაწილს პროცესის ჩაშლა სურს და არ გამორიცხავს, რომ ისინი რუსეთის დავალებით მოქმედებენ.
„კი, გაცილებით კატეგორიულია ოპოზიცია, არ მოვიტყუები. რამდენიმე პარტიას (მოლაპარაკებების) 100%-ით ჩაშლა უნდა, არაფერია მისაღები მათთვის. და რას ვაკეთებთ საერთო ჯამში ამ გაჯიქებით? ვაბედნიერებთ რუსეთს. ანუ, შეიძლება ვიღაც უკვე პირდაპირ რუსეთის დავალებებს ასრულებს, რომ მოლაპარაკება ჩაიშალოს, რაც შეიძლება სუსტად წარმოჩნდეს ევროკავშირი“, – განაცხადა ელისაშვილმა „იმედის კვირასთან“.
