ჯანდაცვის ყოფილი მინისტრი და ამჟამად „ქართული ოცნებიდან“ საბურთალოს მაჟორიტარობის კანდიდატი აცხადებს, რომ ალეკო ელისაშვილის არ ეშინია.
„პალიტრა ნიუსის“ ეთერში დავით სერგეენკომ განაცხადა, რომ მმართველმა გუნდმა მისი კანდიდატურა საბურთალოზე იმიტომ არ დაასხელა, რომ თითქოს „ქართულ ოცნებას“ ელისაშვილის ეშინია.
ჯანდაცვის მინისტრი იმედოვნებს, რომ ალეკო ელისაშვილი მას ღირსეულ კონკურენციას გაუწევს.
„ალეკო ელისაშვილის არ მეშინია, რატომ უნდა მეშინოდეს?! კარგი იქნება თუ ის კონკურენციას გაწევს და ღირსეული მეტოქე იქნება. ღირსეულ მეტოქესთან ასპარეზობა ყოველთვის ძალიან კარგია როგორც პოლიტიკურ ველში, ისე სპორტულში. თუმცა, შიშით არც მე მეშინია და არც ჩემს გუნდს შეშინებია როდესაც ამ ოლქში კანდიდატურას აყენებდნენ“, – განაცხადა დავით სერგეენკომ.
შეგახსენებთ, რომ საბურთალოზე დავით სერგეენკოს კანდიდატურის დასახელების შემდეგ, ალეკო ელისაშვილმა განაცხადა, რომ „ქართულ ოცნებას“ მისი ეშინია, რის გამოც კონკურენტად ჯანდაცვის ყოფილი მინისტრი დააყენეს.
