უმრავლესობის წევრი, ალუდა ღუდუშაური ბერა ივანიშვილის ინტერვიუს ეხმაურება.

როგორც ღუდუშაური ამბობს, თუ ვინმე მის ოჯახს შეურაცხყოფას მიაყენებს, პასუხს ისიც მოითხოვს.

„ბერა ივანიშვილმა თქვა ის, რაზეც თქვენც და მეც იგივეს ვიტყოდით. ადამიანმა თქვა, რომ თუ მე ან ჩემი ოჯახის წევრს შეურაცხყოფას მიაყენებენ, ამაზე პასუხს მოვითხოვო. გეკითხებით, თქვენ თუ შეურაცხყოფას მოგაყენებენ, პასუხს არ მოითხოვთ? მარტივი ტესტი შემიძლია შემოგთავაზოთ. მაგალითად, ის ადამიანები გამოვიდნენ, ვისაც შეურაცხყოფას მიაყენებენ და საჯაროდ თქვან, რომ ამაზე პასუხს არ მოითხოვენ. მე, როგორც საჯარო პირს და პოლიტიკოსს, რა თქმა უნდა, მაქვს თმენის ვალდებულება, ბერა ივანიშვილისგან განსხვავებით. კიდევ გეუბნებით, მიუხედავად ამისა, თუ ვინმე მე ან ჩემს ოჯახს შეურაცხყოფას მიაყენებს, მეც მოვითხოვ პასუხს. გეუბნებით, თქვენც პასუხს მოითხოვთ“, – განუცხადა ღუდუშაურმა ჟურნალისტებს.

მისივე თქმით, ჩანაწერი დამონტაჟებულია და ამას გამოძიება დაადგენს.

„არსებობს ამ ჩანაწერების ფაბრიკაცია, რაც განაცხადა უკვე ბერა ივანიშვილმაც. ეს საზოგადოებისთვის სრულიად ნათელია. იმ პერიოდში, როდესაც ბერა ივანიშვილი არასრულწლოვანი იყო, ხოლო ღარიბაშვილი ფონდ „ქართუს“ გენერალური დირექტორი და ორ კერძო სუბიექტს შორის მოხდა ფარული აუდიოჩანაწერი და უკანონო მიყურადება, მითუმეტეს ფაბრიკაცია, თქვენ ან ვინმე ფიქრობთ, რომ ამაზე გამოძიება არ უნდა დაიწყოს?

ჩვენი ოპონენტები ითხოვდნენ, გამოძიება რატომ არ იწყებაო და ის დაიწყო. გამოძიება იქნება ობიექტური და დაადგენს ყველაფერს, რაც საზოგადოებაში კითხვის ნიშნებს აჩენს. ფარული აუდიოჩანაწერები, „მოდელირებული ქრონიკები“, ეს ხომ ძნელი ამოსაცნობი არ არის, ვისი ხელწერაა“, – განაცხადა ღუდუშაურმა.

თუ ვინმე ჩემს ოჯახს შეეხება, რაც ჩემთვის ყველაზე წმინდა და ღირებულია, ასეთ ადამიანს აუცილებლად პასუხს მოვთხოვ დღესაც – ბერა