კონგრესში Amazon-ის, Apple-ის,  Facebook-ისა და Google-ის  აღმასრულებელ დირექტორებს დაკითხავენ. ინფორმაციას CNN-ი ავრცელებს.

გამოძიების მიზანი იმის დადგენაა, ბოროტად გამოიყენეს თუ არა კომპანიებმა თავიანთი ძალა და დომინირება ინტერნეტბაზარზე.

კომპანიების მთავარი აღმასრულებელი დირექტორები კონგრესის წინაშე მოსმენაზე წარდგებიან და ჩვენებებს ერთად მისცემენ, თუმცა, პანდემიის გამო შექმნილი ვითარებიდან გამომდინარე, ისინი მოსმენაში მონაწილეობას დისტანციურად, WebEx-ის საკონფერენციო პლატფორმის მეშვეობით მიიღებენ.

კონგრესმენები კომპანიებს,13-თვიანი გამოძიების შედეგად შეკრებილი დოკუმენტებისა და სხვა მტკიცებულებების საფუძველზე, მათი ბიზნესის შესახებ საკმაოდ სპეციფიკურ შეკითხვებს დაუსვამენ.

Amazon-ს კითხვებს მის მიერ გამყიდველის მონაცემების გამოყენებასთან დაკავშირებით დაუსვამენ, Apple-ს App Store-ის წესებთან, Facebook-თან მიმართებაში საქმე შესყიდვის სტრატეგიასა და ონლაინ რეკლამირებაში დომინირებას ეხება. რაც შეეხება Google-ს, საკუთარი მასთან კითხვები ძიების საკუთარი პრაქტიკისა და რეკლამირების შესახებ არსებობს.

შეგახსენებთ, რომ დაახლოებით ერთი წელია, რაც კონგრესის კანონმდებლები Amazon-ის, Apple-ის,  Facebook-ისა და Google-ის შესახებ გამოძიებას აწარმოებენ.