„არავითარ მოცემულობას არ ცვლის ერთი და ორი დეპუტატის პარლამენტში შესვლა”, – ამის შესახებ „პატრიოტთა ალიანსის“ ლიდერმა, ირმა ინაშვილმა განაცხადა.
„ეს პარლამენტი ფორმირებულია გაყალბებული არჩევნების გზით. ამ პარლამენტს არც ერთ ვარიანტში არც წონა და არც ლეგიტიმაცია არ შეემატება, ამიტომ შევა თუ არა ელისაშვილი არანაირი მნიშვნელობა ამას არ აქვს. ჩვენი ამოცანაა, ვიმოქმედოთ იმისთვის, რომ ქვეყანაში ვადამდელი არჩევნები დაინიშნოს. ამისთვის, ჩვენი პარტია იწყებს მობილიზაციას მთელი საქართველოს მასშტაბით და პირადად მე მექნება შეხვედრები ყველა რეგიონში“, – განაცხადა ირმა ინაშვილმა.
