არჩევნების შედეგებს ამერიკელი  ხალხი წყვეტს, – ამის შესახებ აშშ-ს დემოკრატი კანდიდატი, ჯო ბაიდენი სოციალურ ქსელ Twitter-ზე წერს.

„როგორი იქნება არჩევნების შედეგი ამას არც მე და არც დონალდ ტრამპი არ წყვეტს. ამას წყვეტს ამერიკელი ხალხი“,- წერს ბაიდენი.

შეგახსენებთ, რომ პენსილვანიის, ნევადის, ჯორჯიის, ჩრდილოეთ კაროლინის, ალასკას შტატებში არჩევნების საბოლოო შედეგები ამ დრომდე არ გამოცხადებულა.

FOX NEWS-ის ბოლო მონაცემებით, პრეზიდენტობის „დემოკრატ“ კანდიდატს 264 ხმა აქვს, მოქმედ პრეზიდენტ დონალდ ტრამპს კი 214.

ცნობისთვის,  არჩევნებში გადამწყვეტი ამომრჩეველთა კოლეგიის ხმებია. გამარჯვებულად ჩაითვლება კანდიდატი, რომელიც 538-წევრიანი საარჩევნო კოლეგიიდან სულ მცირე 270 ხმას მოიპოვებს. საარჩევნო კოლეგიის წევრებს თითოეული შტატი, მოსახლეობის რაოდენობის პროპორციულად ირჩევს.

ყველა ინფორმაცია აშშ-ს საპრეზიდენტო არჩევნებთან დაკავშირებით ნახეთ ამ ბმულზე

Donald Trump does not decide the outcome of this election and nor do I. The American people decide. That’s why we’ve launched the Biden Fight Fund — to ensure every vote is counted.

Chip in to help fund our election protection efforts across the country: https://t.co/ps6VhGy0m5

— Joe Biden (@JoeBiden) November 5, 2020