აშშ-ის თავდაცვის მდივნის, მარკ ესპერის განცხადებით, პენტაგონი ნებისმიერ პოტენციურ საფრთხეს სერიოზულად მიუდგება – იმის მიუხედავად, რომ პენტაგონი ავღანეთში რუსეთის მიერ ამერიკელი ჯარისკაცების მკვლელობების შესაძლო დაკვეთასთან დაკავშირებით მტკიცებულებებს არ ფლობს. ამის შესახებ Foxnews-ი იუწყება.

მისი თქმით, ის და თავდაცვის სამინისტროს მეთაურობა დარწმუნებული არიან, რომ ავღანეთში ამერიკული ძალები ფლობენ საუკეთესო სადაზვერვო საშუალებებს, იარაღს, აღჭურვილობას, თავდაცვის საშუალებას, ტაქტიკას ნებისმიერი საფრთხისთვის წინააღმდეგობის გასაწევად, რათა  მისიის უსაფრთხოება და წარმატება უზრუნველყონ.

შეგახსენებთ, რომ მანამდე The New York Times-მა გამოაქვეყნა ინფორმაცია, რომლის მიხედვითაც რუსეთმა თალიბანს  ავღანეთში ამერიკელი სამხედროების ლიკვიდაციისთვის საიდუმლოდ თანხის გადახდა შესთავაზა. ჟურნალისტები ამტკიცებენ, რომ ეს გახდა რამდენიმე ამერიკელი ჯარისკაცის მკვლელობის მიზეზი.  ამის შესახებ კი დონალდ ტრამპმა იცოდა.

რუსეთის პრეზიდენტის პრესმდივანი, დიმიტრი პესკოვი აღნიშნულ ცნობებს ყალბს უწოდებს.