აშშ-ში საქართველოს საელჩო ამერიკის მოქალაქეებს მადლიერების დღეს ულოცავს და მოჭადრაკე ნონა გაფრინდაშვილზე წერს.
„ასეთი გახლავთ ლეგენდარული ქალი ნონა გაფრინდაშვილი, რომლის გაცნობაც გადავწყვიტეთ თქვენთვის. ის გახლავთ ჭადრაკში ქალთა შორის მსოფლიოს ხუთგზის ჩემპიონი და პირველი ქალი, რომელსაც ჭადრაკის საერთაშორისო ფედერაციამ 1978 წელს გროსმეისტერის ტიტული მიანიჭა“, – წერს აშშ-ში საქართველოს საელჩო.
„ფეისბუქზე“ გამოქვეყნებულ ტექსტს თან ახლავს ფოტო, რომელზეც ნონა გაფრინდაშვილი დიდ ბრიტანეთში 28 მოჭადრაკე მამაკაცს ეთამაშება.
„ეს ფოტო მათთვის, ვინც შთაგონებულია შესანიშნავი ფილმით „დედოფლის გამბიტი“. ფოტოზე ჭადრაკის ნამდვილი ლეგენდა ნონა 1965 წელს ერთდროულად 28 მოჭადრაკეს ეთამაშება“, – წერს აშშ-ში საქართველოს საელჩო.
