ბელარუსი ჟურნალისტის, რომან პროტასევიჩის მამა აცხადებს, რომ მისი შვილი ნაწამებია. ამის შესახებ BBC-ი წერს.
როგორც ჟურნალისტის მამა ამბობს, ბელარუსის საზოგადოებრივ მაუწყებელზე ნაჩვენები ინტერვიუ, სადაც მისი შვილი აღიარებით ჩვენებას იძლევა, „ერთკვირიანი წამების შედეგია“.
იგი ასევე არ გამორიცხავს, რომ ინტერვიუს ჩაწერის დროს ჟურნალისტი ფსიქოტროპული წამლების ზემოქმედების ქვეშ იყო.
შეგახსენებთ, რომ ტელეგრამ არხ ნექსტას დამფუძნებელთან ტელეინტერვიუ გუშინ ბელარუსის საზოგადოებრივმა მაუწყებელმა აჩვენა. ინტერვიუში პროტასევიჩი დანაშაულს აღიარებს და ალექსანდრ ლუკაშენკოს აქებს.
