ერთობა გამარჯვების საუკეთესო ფორმულა ყოველთვის არ არის, თუმცა ხშირ შემთხვევაში ამართლებს და ამის მაგალითი იყო 8 მარტის შეთანხმება, – ასე აფასებს დამოუკიდებელი დეპუტატი ეკა ბესელია, მიხეილ სააკაშვილის შეთავაზებას ერთიანი საარჩევნო სიის შექმნაზე.
ბესელია მიიჩნევს, რომ ერთობა გამარჯვების საუკეთესო ფორმულა არ არის, თუმცა ხშირ შემთხვევაში ამართლებს.
„თუ სააკაშვილს უნდა, ერთიანი სია დაწეროს, თავის ბლოკსა და ალიანსში დაწეროს. ვინც ვფიქრობთ, რომ საპარლამენტო არჩევნებში მონაწილეობა დამოუკიდებლად მივიღოთ, ასეთ შესაძლებლობას გამოვრიცხავ. ეს ერთი-ერთზე ჰგავს მმართველი პარტიისა და სააკაშვილის სასურველ სიას, რომ ისევ ორი არჩევანი არსებობდეს.
ერთობა გამარჯვების საუკეთესო ფორმულა ყოველთვის არ არის, თუმცა ხშირ შემთხვევაში ამართლებს და ამის მაგალითი იყო 8 მარტის შეთანხმება, მაგრამ საარჩევნო სია – ყველა ერთად, უპასუხისმგებლო გადაწყვეტილებას ნიშნავს, რადგან ადამიანებს შესაძლებლობა უნდა ჰქონდეთ, ერთმანეთისგან გაარჩიონ წარსული, აწმყო და მომავალი. ვისაც საერთო სიაში ჩაწერა სურს, ეს მისი არჩევანია. მიხეილ სააკაშვილთან არანაირ თანამშრომლობას არ განვიხილავ, ეს არასოდეს მოხდება“, – განაცხადა ბესელიამ.
შეგახსენებთ, რომ საქართველოს ექს-პრეზიდენტმა და უკრაინის რეფორმების აღმასრულებელი კომიტეტის თავმჯდომარემ, მიხეილ სააკაშვილმა ოპოზიციურ პარტიებს ერთიანი საარჩევნო სიის შექმნისკენ მოუწოდა.
