ეპიდემიური მდგომარეობის გართულების შემთხვევაში არჩევნების გადადებას მიზანშეწონილად მიიჩნევს „დემოკრატიული მოძრაობა- ერთიანი საქართველოს“ ლიდერი ნინო ბურჯანაძე.
„იმ შემთხვევაში თუ ვითარება კორონავირუსთან დაკავშირებით გართულდება, რა თქმა უნდა მოგვიწევს ფიქრი იმაზე, რომ შეიძლება არჩევნების თარიღი შეიცვალოს. ამ შემთხვევაში, თუ ეს რეალობა იქნება და არა ხელოვნურად შექმნილი საბაბი, ვერ გავაკრიტიკებ მთავრობას, პირიქით ოპოზიციისთვის უფრო მიუღებელია საარჩევნო კამპანიის ჩატარების გარეშე არჩევნებზე წასვლა. თუ მართლა რეალურად იქნება პრობლემა რომ აშკარაა ეპიდემიის საფრთხე, წინასაარჩევნო შეხვედრები ვერ ჩატარდება და შესაბამისად არჩევნების უნდა გადაიდოს. ოღონდ, მნიშვნელოვანია არჩევნების გადადება მოხდეს შეთანხმებით, ოპოზიციასთან და ჩვენს საერთაშორისო მეგობრებთან, ჩვენთვის მნიშვნელოვანია არჩევნებზე იყოს ბევრი უცხოელი დამკვირვებელი, თუ ხელისუფლება გადაწყვეტს რომ 25 დეკემბერს ჩაატაროს არჩევნები, ეს გამორიცხავს დიდი რაოდენობით წარმოდგენას და ეს იქნება აბსოლუტურად მიუღებელი. არჩევნების გადადება შეიძლება, მაგრამ უნდა იყოს არგუმენტირებული და არა ხელოვნური“,- განაცხადა ნინო ბურჯანაძემ.
