„ჩეხეთის კარიტასმა საქართველოში“ სლოვაკეთის მთავრობის ფინანსური მხარდაჭერით დუშეთის მუნიციპალიტეტს 100 000 ევროს ღირებულების 14 კუბური მეტრი მოცულობის ნაგავმზიდი და 1110 ლიტრიანი ლითონის სანაგვე ურნები გადასცა.
დუშეთის მუნიციპალიტეტის გარდა, ევროკავშირის ფინანსური მხარდაჭერით, ჩეხეთის კარიტასმა ხულოს მუნიციპალიტეტს გადასცა 7 კუბური მეტრის მოცულობის 4X4-ზე ნაგავმზიდი, და ონის მუნიციპალიტეტს 137 ცალი 240 ლიტრიანი ურნა სეპარირებული ნარჩენებისთვის და ასევე 60 ცალი 1110 ლიტრიანი მეტალის ურნა.
7 კუბური მეტრის მოცულობის 4X4-ზე სეპარირებული ნარჩენების შემგროვებელი მანქანა კი ონის მუნიციპალიტეტის სულ მალე გადაეცემა.
სლოვაკეთის გამოცდილების გაზიარების საფუძველზე, რაჭა-ლეჩხუმის რეგიონში მდებარე ონის მუნიციპალიტეტისთვის შემუშავდა მყარი ნარჩენების სეპარირებისა და გადამუშავების მოდელი, სამოქმედო გეგმასთან ერთად.
ასევე ყურადღება გამახვილდა ისეთ ქმედებებზე, რომლებიც ფოკუსირებულია ბიოდეგრადირებადი ნარჩენების გამოყენების მართვის პრაქტიკის დანერგვაზე. ნარჩენების გადამუშავების საქმეში საზოგადოების ცნობიერების ამაღლების მიზნით ჩატარდა რამდენიმე კამპანია.
