წინააღმდეგობის მუხტის განელება ისეთივე წარმოუდგენელია, როგორც მზის ჩაქრობა ზეცაში”, – ამის შესახებ “ლეიბორისტული პარტიის” ლიდერმა, შალვა ნათელაშვილმა “რუსთავი 2-ს” განუცხადა, რითაც ცესკოსთან გამართულ აქციაზე “ლეიბორისტული პარტიის” ახალგაზრდული ორგანიზაციის 3 წევრის დაკავებას გამოეხმაურა, რომელთა სასამართლო პროცესიც დღეს გაიმართება.
“გვედავებიან ხულიგნობას, პოლიციელებზე შეურაცხყოფის მიყენებას. ჩვენ ხშირად რადიკალური პროტესტით გამოვირჩევით, მაგრამ ხულიგნები არ ვართ, სხვას არასდროს ვაყენებთ შეურაცხყოფას, მითუმეტეს პოლიციას. რაც შეეხება მოლოდინებს, ბუნდოვანია რა შედეგი იქნება,”-აცხადებს საქართველოს ლეიბორისტული პარტიის ახალგაზრდული ორგანიზაციის თავმჯდომარე მიხეილ ქუმსიშვილი.
“ვერ ვიტყვი რომ ციმბირში გადაასახლებენ, მაგრამ ამით ივანიშვილს უნდა შიში ჩათესოს მოსახლეობაში, ახალგაზრდებში, რომ მის ეშმაკის ვერცხლზე დაფუძნებულ რეჟიმს საპროტესტო საფრთხე არ შეექმნას და ჩაცხრეს წინააღმდეგობის მუხტი, რომლის განელება არის ისეთივე წარმოუდგენელი, როგორც მზის ჩაქრობა ზეცაში,”- განაცხადა შალვა ნათელაშვილმა.
ცნობისთვის, ლეიბორისტული პარტიის წევრები ცესკოსთან გამართული აქციის დროს პოლიციელებისთვის წინააღმდეგობის გაწევის გამო დააკავეს, მოგვიანებით კი ხელწერილის საფუძველზე გაათავისუფლეს.
