ფეხბურთელ გიორგი შაქარაშვილის საქმეზე ე.წ. ოქროს მოწმემ, დაზარალებულის სტატუსის მქონე იაკობ ბრეგვაძემ განაცხადა, რომ მას ჩვენება არ შეუცვლია.
„არ შემიცვლია არაფერი, არ ვცვლი არაფერს. რაც რეალურად ვიცი, იმას ვამბობ“, – განაცხადა ბრეგვაძემ.
კითხვაზე, დაასახელა თუ არა მან კონკრეტული პირები, რომლებიც ბრალდებულები არიან, ბრეგვაძე პასუხობს:
„არა, ვისაც არ იცნობს, იმას როგორ დაასახელებს“,- განაცხადა ბრეგვაძემ.
უფლებადამცველები კი აცხადებენ, იაკობ ბრეგვაძემ გამოძიების ეტაპზე მიცემული ჩვენებებიდან სასამართლოში რადიკალურად განსხვავებული ჩვენება მისცა. არსებული ინფორმაციით, დახურულ სხდომაზე იაკობ ბრეგვაძემ ბრალდებულების მამხილებელი ჩვენება მისცა და ისაუბრა იმ გარემოებებზე, რაზეც აქამდე არცერთ ჩვენებაში უსაუბრია.
ცნობისთვის, ფეხბურთელ გიორგი შაქარაშვილის საქმეზე ბრალდებულ 5 პირს ძალადობას, ძალადობის ორგანიზებას, მაში მონაწილეობასა და თავისუფლების უკანონო აღკვეთას ედავებიან.
