პარტია „მოქალაქების“ ლიდერი, ალეკო ელისაშვილი ამბობს, რომ რამდენიმე დღეში გამოაცხადებს გადაწყვეტილებას პარალმენტში შესვლის თაობაზე.
როგორც ელისაშვილი აცხადებს, ოპოზიციაში თავგზააბნეული ხალხია და თვითონ არ იციან რა უნდათ.
„მეც და ჩვენმა პარტიამაც ამ ცირკზე დავასრულეთ საუბარი, რაც ოპოზიციაშია მოწყობილი. ვისაც დამატებითი კითხვები აქვს ჩემთან, ხაზარაძესთან ან სხვებთან დაკავშირებით, გადახედონ ჩემს წარსულს, რა გამიკეთებია ჩემი ქვეყნისთვის, ხალხისთვის, სად ვიყავი წლების განმავლობაში და გადახედონ სხვების წარსულს. ამდენი ხანი ველაპარაკებით ოპოზიციას და თვითონ არ იციან, რა უნდათ. ერთი თავგზააბნეული ხალხია. თვითონ “ქართულ ოცნებას“ თუ გამოვგლიჯეთ, რაც ჩვენთვის მნიშვნელოვანია, რა თქმა უნდა, შევალთ პარლამენტში, რამდენიმე დღეში გამოვაცხადებთ გადაწყვეტილებას“, – განაცხადა ელისაშვილმა.
